Ministri i Punëve të Jashtme i Maqedonisë së Veriut, Timço Mucunski, ka deklaruar se vendi i tij qëndron përkrah aleatëve amerikanë në përballjen me “kërcënimet destabilizuese” në Lindjen e Mesme, transmeton Anadolu.
Mucunski në rrjetin social amerikan X tha se SHBA-ja e ka bërë të qartë se diplomacia mbetet gjithmonë opsioni i parë, por shtoi se parandalimi është thelbësor kur ekzistojnë rreziqe të besueshme.
“Siguria, stabiliteti dhe llogaridhënia ecin krah për krah”, tha ai.
Më tej, shefi i diplomacisë maqedonase gjithashtu bëri të ditur se ambasadat dhe ekipet konsullore të Maqedonisë së Veriut në rajon janë të angazhuara në mënyrë aktive për të mbështetur dhe ndihmuar shtetasit e vendit, duke siguruar mbrojtjen e tyre dhe ofrimin e të gjithë ndihmën e nevojshme konsullore.
Sot herët, Izraeli nisi një sulm ndaj Iranit duke e quajtur “Ulërima e Luanit”, si dhe shpalli një gjendje të jashtëzakonshme “të menjëhershme” në mbarë vendin. Më vonë, presidenti i SHBA-së, Donald Trump, deklaroi se SHBA-ja gjithashtu ka nisur “operacione të mëdha luftarake” kundër “regjimit iranian”.
