Në kuadër të “15 korrikut, Ditës së Demokracisë dhe Unitetit Kombëtar” në Xhaminë e Madhe Ajasofja (Ayasofya-i Kebir Cami-i Şerifi) në Stamboll u mbajt programi “252 hatme”, raporton Anadolu.
Në programin e zhvilluar në bashkëpunim nga prefektura e Stambollit dhe Drejtorisë Rajonale 1 të Fondacioneve të Stambollit, u përkujtuan 252 dëshmorët që humbën jetën në përpjekjen e FETO-s për grusht shteti më 15 korrik 2016.
Po ashtu në programin ku lutjet u drejtuan nga myftiu i Stambollit, Safi Arpaguş morën pjesë guvernatori i Stambollit, Davut Gül, drejtori i Përgjithshëm i Policisë së Istanbulit, Zafer Aktaş, zyrtarë ushtarakë, drejtori i Kulturës dhe Turizmit të qytetit, Coşkun Yılmaz, kreu i shoqatës “15 Korriku”, İsmail Hakkı Turunç dhe shumë persona të tjerë.
Në anën tjetër programe të hatmes për dëshmorët e 15 korrikut janë organizuar edhe në xhamitë Fatih, xhaminë Yeni dhe Eyüpsultan, ndërsa para namazit të drekës nga Kryesia e Çështjeve Fetare Diyanet për dëshmorët janë lexuar pjesë nga Kurani në të gjitha xhamitë.
