Më shumë se 300 luftëtarë dhe civilë janë vrarë që nga rifillimi i luftimeve në Jemen të enjten, sipas një bilanci të AFP-së, të bazuar në burime ushtarake dhe mjekësore nga të dyja palët.
Përleshjet janë përqendruar në perëndim të Taizit dhe në jug të Hodeidahut, ku forcat Houthi kanë nisur një ofensivë të madhe drejt zonave të kontrolluara nga qeveria pranë bregdetit të Detit të Kuq dhe ngushticës strategjike Bab al-Mandeb.
Zyrtarë qeveritarë thanë se 84 ushtarë të tyre u vranë nga e shtuna pasdite deri të dielën në mëngjes, shumica në sulme me raketa. Nga ana tjetër, burime ushtarake Houthi thanë se gjatë së njëjtës periudhë u vranë 57 luftëtarë të tyre.
Përshkallëzimi i luftimeve ka detyruar edhe mijëra civilë të largohen nga shtëpitë e tyre. Zyra e OKB-së për Koordinimin e Çështjeve Humanitare (OCHA) vlerëson se rreth 1,790 familje janë zhvendosur për shkak të bombardimeve të rënda dhe përleshjeve në distriktet Maqbanah dhe Jabal Habashi të Taizit. /mesazhi
