Rreth 5.875 palestinezë janë arrestuar në 100 ditë të bastisjeve ushtarake izraelite në Bregun Perëndimor të pushtuar, tha sot një organizatë joqeveritare lokale, transmeton Anadolu.
“Të arrestuarit përfshinin 335 fëmijë dhe 200 gra”, tha në një deklaratë Shoqata Palestineze e të Burgosurve.
Më shumë se 2.856 palestinezë janë mbajtur pa gjyq apo akuzë nën politikën famëkeqe të ndalimit administrativ të Izraelit që nga 7 tetori, tha OJQ-ja.
“Kjo shifër e çon numrin e të burgosurve administrativë në burgjet izraelite në më shumë se 3.290 palestinezë”, shtoi organizata.
Sipas shifrave të publikuara nga grupet për çështjet e të burgosurve, të paktën 8.800 palestinezë mbahen aktualisht në burgjet izraelite.
Tensionet kanë qenë të larta në gjithë Bregun Perëndimor si pasojë e bastisjeve pothuajse të përditshme izraelite në qytetet palestineze ndërsa Tel Avivi vazhdon ofensivën e tij vdekjeprurëse në Rripin e Gazës, e cila ka lënë gati 24.000 njerëz të vdekur.
