Të paktën 59 persona kanë mbetur të vdekur nga përmbytjet në Indi dhe Bangladesh, raportoi të hënën BBC-ja.
Ndërkohë që miliona njerëz kanë mbetur të bllokuar nga rrufetë dhe rrëshqitjet e dheut që janë shkaktuar nga stuhitë e forta në këto dy vende aziatike.
Është paralajmëruar se përmbytjet pritet të përkeqësohen gjatë ditëve në vijim.
Zyrtarët e qeverisë së Bangladeshit i kanë përshkruar përmbytjet e fundit si më të rëndat në vend që nga viti 2004.
Shirat e kësaj jave ranë derisa rajoni Sylhet i Bangladeshit ishte ende duke u rikuperuar nga përmbytjet që ndodhën në fund të muajit maj, ku mbi 10 njerëz kanë mbetur të vdekur, ndërsa miliona të tjerë u përfshinë. /koha
