Mbreti i Marokut, Mohammed VI, ka dënuar sulmet me raketa dhe dronë të Huthive nga Jemeni ndaj Arabisë Saudite, duke deklaruar se “çdo sulm ndaj Arabisë Saudite është sulm ndaj Marokut”.
Mbreti maroken u ka dërguar telegrame të veçanta mbretit saudit Salman bin Abdulaziz dhe princit të kurorës Mohammed bin Salman.
Në mesazhet e tij, Mohammed VI theksoi se siguria dhe stabiliteti i Arabisë Saudite dhe i vendeve të tjera të Këshillit të Bashkëpunimit të Gjirit janë pjesë e rëndësishme e sigurisë së Marokut.
Ai gjithashtu nënvizoi rëndësinë e mbrojtjes së “interesave të përbashkëta strategjike”. /mesazhi
