Vitin e kaluar, më shumë se gjashtë mijë njerëz u përpoqën të kalojnë ilegalisht në Bosnjë dhe Hercegovinë, vend që është në rutën që emigrantët e parregullt e përdorin për të shkuar në vendet e Evropës, transmeton Anadolu Agency (AA).
Në një deklaratë të bërë nga Policia Kufitare e Bosnjë dhe Hercegovinës thuhet se më shumë se gjashtë mijë emigrantë janë penguar të hyjnë ilegalisht në vend në vitin 2022.
“Më së shumti kishte shtetas të Afganistanit, Burundit dhe Pakistanit”, thuhet në deklaratë.
Emigrantët kanë tentuar të hyjnë në Bosnjë dhe Hercegovinë përmes Serbisë dhe Malit të Zi dhe janë gjetur kryesisht të fshehur në automjete mallrash.
Siç njoftohet më tej, në 11 ditët e para të vitit 2023, 180 emigrantë kanë tentuar të hyjnë ilegalisht në vend dhe se policia kufitare e Bosnjës ka vazhduar të kryejë me shumë kujdes aktivitetet e saj për të luftuar imigracionin ilegal.
