Miliona banorë në qytetin Sichuan të Kinës janë goditur nga ndalja e energjisë elektrike si pasojë e valës së të nxehtit dhe thatësirës.
Në qytetin e Dazhout, shtëpi e 5.4 milionë njerëzve, kanë pasur reduktime deri në tri orë, thonë raportet.
Ata thonë se fabrikat në provincë janë detyruar të shkurtojnë prodhimin ose të ndalojnë punën si pjesë e masave emergjente për të ridrejtuar furnizimet me energji për familjet.
Rezervuarët e hidrocentraleve janë aktualisht në rënie deri në gjysmë, thonë zyrtarët, shkruan BBC-ja të mërkurën.
Temperaturat në të gjithë Sichuan dhe provincat fqinje kanë tejkaluar 40 gradë Celsius ditët e fundit.
Si rezultat, kërkesa për energji elektrike për ajër të kondicionuar në zyra dhe familje u rrit, duke i vënë kompanitë e energjisë nën presion ekstrem.
Lumi Yangtze, rruga më e gjatë ujore e Azisë, është tani në nivele të ulëta rekord. Në disa zona, ka pasur më pak se gjysmën e reshjeve të zakonshme.
Në qytetin Wuhan, provinca Hubei, lumi ka nivelin më të ulët që ka qenë në këtë kohë të vitit që nga fillimi i regjistrimeve në 1865.
Furnizimet e pijes për qindra miliona njerëz ende nuk janë prekur, por ka mungesë uji për të ujitur të mbjellat. /koha
