Presidenti sirian Ahmad al-Sharaa zhvilloi takim “konstruktiv” me presidentin amerikan Donald Trump në Washington, pas muajsh përgatitjesh intensive, tha ministri i Jashtëm i Sirisë, Asaad al-Shaibani, transmeton Anadolu.
Në rrjetin social amerikan X, Shaibani tha se bisedimet përfshinë “çështjen e Sirisë në të gjitha aspektet e saj”, duke theksuar mbështetjen për unitetin e Sirisë, rindërtimin dhe heqjen e pengesave për rimëkëmbjen e saj.
Ai shtoi se “populli sirian gjithmonë meriton një të ardhme më të mirë”.
Sharaa u largua nga Shtëpia e Bardhë sot, pas rreth një orë e gjysmë bisedimesh me presidentin amerikan Donald Trump dhe zyrtarë të lartë.
Vizita ishte e para e një udhëheqësi sirian në Shtëpinë e Bardhë që nga pavarësia e vendit pothuajse 80 vjet më parë.
