RTV AHIRETI
LajmeRajon dhe Botë

Ministria e Shëndetësisë në Gaza: Spitalit Nasser në Khan Younis i kanë mbaruar barnat e anestezisë

ministria-e-shendetesise-ne-gaza:-spitalit-nasser-ne-khan-younis-i-kane-mbaruar-barnat-e-anestezise

Zëdhënësi i Ministrisë së Shëndetësisë në Gaza, Ashraf al-Qudra, bëri të ditur se kanë mbaruar ilaçet e anestezisë në sallat e operacionit në spitalin Nasser në Khan Younis, në jug të Rripit të Gazës, raporton Anadolu.

Në deklaratën e tij me shkrim, al-Qudra tha se gjendja humanitare dhe mjekësore në spitalin Nasser, ku forcat izraelite kanë shënjestruar rrethinën e tij dhe kanë kufizuar lirinë e lëvizjes, ka arritur një nivel katastrofik.

Duke deklaruar se spitali mund të funksionojë me 10 për qind të kapacitetit të tij të personelit në kushte jashtëzakonisht të vështira, al-Qudra tha se “barnat e anestezisë në sallat e operacionit në Kompleksin Mjekësor Nasser kanë mbaruar dhe nuk ka mbetur ushqim në spital”.

Duke u shprehur se kanë mbaruar edhe ilaçet kundër dhimbjeve që përdoren për të sëmurët dhe të lënduarit, al-Qudra tha: “Sasia e karburantit në spital është e mjaftueshme për më pak se pesë ditë”.

Al-Qudra kishte tërhequr vazhdimisht vëmendjen për mungesën e ilaçeve dhe furnizimeve mjekësore në Rripin e Gazës, ku Izraeli po kryen sulmet e tij për 111 ditë, dhe theksoi rëndësinë e dërgimit të karburantit për përdorimin e pajisjeve elektrike në spitale.

Al-Qudra ka deklaruar shumë herë se ai është i shqetësuar se Izraeli do të bëjë të njëjtën gjë me spitalet në jug të Gazës siç bëri me spitalet në pjesët veriore të Gazës.

Forcat izraelite fillimisht bombarduan rrethinat e spitaleve në veri të Rripit të Gazës, më pas i shënjestruan drejtpërdrejt, i rrethuan, i bastisën dhe ndaluan personelin mjekësor dhe pacientët.

Teksa forcat izraelite kanë shënjestruar qytetin Khan Younis dhe spitalet përreth me sulme ajrore intensive dhe zjarr artilerie që nga fillimi i javës, ata vazhdojnë pushtimin e tyre nga toka në pjesët jugore dhe perëndimore të qytetit.

Related posts

Kurti: Protestat nuk janë paqësore, por turma ekstremistësh të dirigjuara nga Beogradi

rezart morina

Pas katër orë ndalimi nga BIA serbe, lirohet avokati Stojkoviq

admin6

Helmim masiv në Budva të Malit të Zi, turistët përfundojnë në spital pasi hëngrën në një restorant

admin