RTV AHIRETI
LajmeRajon dhe Botë

Moska: Këshilli i Sigurimit të diskutojë situatën e tensionuar në centralin bërthamor të Zaporizhias

moska:-keshilli-i-sigurimit-te-diskutoje-situaten-e-tensionuar-ne-centralin-berthamor-te-zaporizhias

Rusia ka bërë thirrje sërish për një takim të Këshillit të Sigurimit të OKB-së për të diskutuar situatën e tensionuar në centralin bërthamor të Zaporizhias, në Ukrainën jugore.

Rusia ka kërkuar një takim të Këshillit të Sigurimit të martën, thanë burime diplomatike.

Moska e justifikoi kërkesën me bombardimet dhe sulmet e vazhdueshme nga forcat ukrainase në central. Kievi dhe Moska akuzojnë njëri-tjetrin për sulmin ndaj kompleksit të gjerë.

Rusia pushtoi Ukrainën gati gjashtë muaj më parë. Njësitë ruse pushtuan centralin bërthamor të Zaporizhias në fillim të muajit mars.

Me gjashtë reaktorët e saj dhe një prodhim neto prej 5,700 megavat, Zaporizhia është centrali më i madh bërthamor në Evropë.

Në vitin 1986, aksidenti më i rëndë bërthamor në tokën evropiane ndodhi në centralin bërthamor të Çernobilit në Ukrainë. /atsh

Related posts

Të diskriminuar në Serbi por edhe pa shtetësi në Kosovë

admin

Kurti flet për vrasjet e fundit në lokale: S’po vepron drejtësia, persona me vepra penale lëvizin lirshëm

admin

Erdoğan: Suedia të përmbushë zotimet e memorandumit të Madridit

admin