Sekretari i përgjithshëm i NATO-s, Jens Stoltenberg, ka thënë se lufta në Ukrainë “me shumë gjasa do të përfundojë në tryezën e bisedimeve”.
“Ne do ta mbështesim Ukrainën për aq kohë sa të duhet. Ne do të mbështesim Ukrainën që të mbizotërojë si një shtet i pavarur sovran në Evropë dhe më pas kjo luftë ka shumë të ngjarë të përfundojë në tryezën e bisedimeve. Dhe rezultati i kësaj do të varet tërësisht nga forca në fushën e betejës, kjo është arsyeja pse ne i mbështesim ata”, tha ai për Sky News, transmeton Klankosova.tv.
Derisa ka uruar Ukrainën, në 31-vjetorin e pavarësisë.
Ai, përmes një postimi në twitter, ka thënë se NATO e ka mbështetur Ukrainën që nga pavarësia e saj dhe se ajo do ta fitojë.
“Në ditën e pavarësisë së Ukrainës, unë i bëj homazhe grave dhe burrave të guximshëm ukrainas që luftojnë për lirinë dhe vendin e tyre. NATO e ka mbështetur Ukrainën që nga pavarësia e saj dhe ju mund të vazhdoni të mbështeteni në NATO për aq kohë sa të duhet. Ukraina do të fitojë!”, ka shrkuar Stoltenberg, transmeton Klankosova.tv.
On #Ukraine’s independence day I pay tribute to the brave Ukrainian women & men fighting for their freedom & their country. #NATO has supported Ukraine since its independence & you can continue to count on NATO for as long as it takes. Ukraine will prevail! pic.twitter.com/IYLN5sNH8m
— Jens Stoltenberg (@jensstoltenberg) August 24, 2022
