RTV AHIRETI
KosovëLajmeLajmet

Redaksia e re revistës “Dituria islame” mbajti mbledhjen e parë

redaksia-e-re-revistes-“dituria-islame”-mbajti-mbledhjen-e-pare

Redaksia e re e revistës fetare, shkencore e kulturore “Dituria islame” sot mbajti mbledhjen e parë. Të pranishëm në këtë mbledhje ishin kryeredaktori i ri i revistës, mr. Driton Arifi, sekretari i redaksisë, dr. Rexhep Suma, anëtarët e redaksisë, dr. Ejup Haziri, mr. Merita Boroci, mr. Muharrem Tërnava, mr. Vedat Shabani, si dhe redaktori gjuhësor, Bajram Zeqiri.

Mbledhja në rend dite kishte këto pika: inaugurimin e anëtarësisë së re të redaksisë së “Diturisë islame” dhe përcaktimin e përgjegjësive redaktuese, përvijimi i platformës së përgjithshme për avancimin dhe zhvillimin e “Diturisë islame”, si dhe të ndryshme.

Më pas kryeredaktori, mr. Driton Arifi, vlerësoi punën dhe angazhimin dhe kontributin e redaksive të kaluara që kanë ofruar për mbarëvajtjen e kësaj reviste. Ai më pas foli për përgjegjësitë dhe angazhimet e redaktorëve sipas fushave (rubrikave) si dhe pas shpalosi zhvillimin, strategjinë e ecjes dhe prioritetet e avancimit të revistës që të jetë sa më në hap me kohën dhe më afër lexuesit.

Edhe anëtarët e redaksisë ofruan mendimet dhe vizionet e tyre mbi formën dhe ardhmërinë e revistës në kohën e sfidave të mëdha që po kalon shoqëria jonë si dhe bota në përgjithësi. /bislame

Related posts

Petkoviq me pretendime: Kurti ndaloi dinarin sepse ishim afër një statuti final për Asociacionin

RTI

Indonezi, të paktën 18 të vdekur nga rrëshqitjet e dheut në ishullin Sulawesi

RTI

Kovaçevski: Mbetemi të përkushtuar në promovimin dhe mbrojtjen e të drejtave gjuhësore të të gjithë qytetarëve tanë

admin