Të paktën nëntë persona, përfshirë një djalë 10-vjeçar, u mbytën derisa turmat që nxitonin për të parë një shfaqje të fishekzjarreve të Vitit të Ri u mbërthyen në një korridor të ngushtë në një qendër tregtare pranë kryeqytetit të Ugandës, tha policia, shkruan Reuters.
Njerëzit filluan të shtyjnë përmes një kalimi në Freedom City Mall vetëm pasi orët shënuan mesnatën, tha policia.
“Shumë njerëz u bllokuan teksa po hynin në numër të madh për të parë fishekzjarrë. Duke bërë këtë, shumë njerëz u mbytën. Deri më tani nëntë persona janë konfirmuar të vdekur”, thuhej në deklaratën e policisë.
Njerëzit kishin festuar Vitin e Ri në qendrën tregtare që është në një autostradë që lidh Kampala me aeroportin Entebbe.
