Izraeli po shqyrton dërgimin e sistemeve të mbrojtjes ajrore në Ukrainë, duke përfshirë sistemin Iron Dome, tha kryeministri Benjamin Netanyahu në një intervistë për CNN.
“Epo, sigurisht që po e shqyrtoj,” tha Netanyahu kur u pyet nëse Izraeli mund të dërgojë sisteme të mbrojtjes ajrore në Ukrainë.
Ai gjithashtu konfirmoi se Shtetet e Bashkuara kishin zhvendosur rezervat e municioneve artilerie nga territori i Izraelit në Ukrainë.
“Shtetet e Bashkuara morën një pjesë të konsiderueshme të municioneve izraelite dhe i dërguan në Ukrainë”, tha ai.
Netanyahu shtoi se vendi i tij po ndihmon gjithashtu Ukrainën duke parandaluar prodhimin e armëve në Iran. “Unë nuk do të hyj në detaje, por Izraeli po vepron në një mënyrë të caktuar kundër prodhimit të armëve nga Irani që përdoren kundër Ukrainës,” tha ai. /ora
