Një pjesë e rrugës “Xhorxh Bush” në Prishtinë do të lirohet për qarkullim të veturave.
Vendimi është marrë nga Drejtoria e Shërbimeve Publike në kryeqytet.
Lajmin e ka konfirmuar edhe i pari i kësaj drejtorie, Bekim Brestovci, i cili ka pohuar një korsi do të lirohet për shfrytëzim deri te parkingu nëntokësor.
“Po, e kemi liruar rrugën dhe të enjten në mëngjes e hapim atë deri te hyrja kryesore e parkingut”, ka pohuar Brestovci për Indeksonline.
Rruga “Xhorxh Bush” ka pothuajse një vit që është mbyllur për qarkullim te veturave.
Komuna fillimisht kishte marrë vendim që në hapësirat e këtij bulevardi të qarkullojë vetëm mjetet e transportit publik dhe taksitë, por që më pas u mbyll qarkullimi edhe për to.
