Nga një muaj paraburgim u është caktuar për dy të dyshuarit për dhunimin e një 23- vjeçare nga Shqipëria, e cila vuan nga problemet mendore.
Vendimi është marrë nga Gjykata Themelore e Pejës.
“Prokurori i shtetit, brenda afatit ligjor ka parashtruar kërkesë për caktimin e masës se paraburgimit prej 30 dite në Departamentin e Krimeve të Renda në Gjykatën Themelore ne Pejë, gjatë ditës se enjte. Ditën e premte të javës se kaluar kemi marre konfirmimin nga gjyqtari i procedurës paraprake që kërkesa e prokurorisë është aprovuar dhe dy të pandehurit të dyshuar për veprën penale “Dhunimi” ju është caktuar masa e paraburgimit”, ka thënë për teve1.info zëdhënsi i kësaj gjykate, Shkodran Nikçi.
Viktima dyshohet se ka pasur probleme të shëndetit mental dhe për këtë, zëdhënësi Nikçi thotë se ka marrë trajtimin e duhur nga mbrojtësi i viktimave, psikologia dhe psikiatri.
“Prokurori i shtetit ka dhëne autorizime për kryerjen e veprime hetimore për ndriçimin e plotë të këtij procesi penale. Ndërkaq, viktima ka marrë trajtimin e duhur, ku ka pasur mbështetje nga Mbrojtësi i viktimave, psikologia dhe psikiatri”, tha ai.
Rasti dyshohet se ka ndodhur më 11 dhjetor.
