Administrata ushtarakë në Niger njoftoi se ka pezulluar përkohësisht punën e institucioneve të Kombeve të Bashkuara (OKB) dhe të organizatave të shoqërisë civile në “zonat ushtarake”, transmeton Anadolu.
Në një deklaratë nga Ministria e Brendshme e Nigerit janë ndarë informacione lidhur me punimet e institucioneve të OKB-së dhe të shoqërisë civile që veprojnë në vend.
Në deklaratë thuhet se është ndaluar që institucionet dhe organizatat në fjalë të zhvillojnë punime në zonat ushtarake. Për arsye sigurie nuk u bë ndonjë shpjegim se ku ndodhen zonat e ndaluara.
Më tej bëhet e ditur se kanë filluar fluturimet e linjave të brendshme dhe se do të vazhdojnë të jenë të mbyllura kufijtë tokësorë dhe detarë.
– Grushti i shtetit në Niger
Presidenti i Nigerit, Mohamed Bazoum u arrestua nga elementë të Regjimentit të Gardës Presidenciale më 26 korrik dhe atë mbrëmje ushtria njoftoi marrjen e pushtetit.
Gjenerali Abdourahamane (Omar) Tchiani, komandanti i Regjimentit të Gardës Presidenciale, më 28 korrik kaloi në krye të qeverisë së përkohshme të emërtuar Këshilli Kombëtar për Mbrojtjen e Atdheut (CNSP).
CNSP më 7 gusht emëroi si kryeministër Lamine Zeine dhe më 10 gusht shpalli kabinetin me 21 anëtarë të përbërë nga ushtarakë dhe civilë.
