RTV AHIRETI
FeaturedKosovëLajmeLajmet

Nis gjykimi, ish-krerët e UÇK-së deklarohen të pafajshëm

nis-gjykimi,-ish-kreret-e-uck-se-deklarohen-te-pafajshem

Sot në Hagë ka nisur gjykimi ndaj ish-udhëheqësve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi e Rexhep Selimi.

Ish-krerët e UÇK-së po akuzohen për krime lufte dhe krime kundër njerëzimit, gjatë luftës në Kosovë në vitet 1998/99.

Ata ndodhen në qendrën e paraburgimit në Hagë prej nëntorit të vitit 2020.

Në paraqitjet e tyre para gjykatësit të procedurës paraprake ata janë deklaruar të pafajshëm.

Aktakuza ndaj tyre ishte konfirmuar në nëntor të vitit 2020 për t’u ndryshuar pastaj më 3 shtator 2021, 29 prill dhe 30 shtator 2022.

Ndërsa versioni i aktakuzës me më pak redaktime, e cila është në fuqi aktualisht, u dorëzua në shkurt të këtij viti.

Gjatë ditës së sotme, Zyra e Prokurorit të Specializuar do të paraqesë deklaratën hyrëse dhe për këtë i ka në dispozicion 5 orë.

Pas kësaj, është mbrojtësi i viktimave që do të bëjë deklaratën hyrëse, e cila pritet të zgjasë deri në 45 minuta.

Krejt këto pritet të përfundojnë të mërkurën, më 5 prill, ndërsa paraqitja e provave do të fillojë një javë më vonë me thirrjen e dëshmitarëve të prokurorisë.

Telegrafi do të mbuloj direkt gjykimin ndaj katërshes së UÇK-së dhe do t’ju sjell informacione në kohë reale.

Related posts

Dejan Pantiqit i vazhdohet arresti shtëpiak

rezart morina

Mbreti Charles III vë zyrtarisht kurorën mbretërore të Britanisë – VIDEO

admin

Forcat izraelite rrëmbejnë të paktën 11 palestinezë gjatë bastisjeve në Bregun Përendimor

admin