Kryetari i Prishtinës, Përparim Rama, ka bërë të ditur se kanë nisur punimet në ndërtimin e kolektorit në lagjen “Kalabria”.
Rama tha se ky është një nga projektet më të rëndësishme për banorët e asaj zone, teksa shtoi se do t’i jepet fund pritjes shumëvjeçare për eleminimin e kundërmimit në këtë lagje.
“Përveç kësaj sipas planit dinamik kolektori do të lidhet në një afat të shkurtër me anën tjetër të rrugës “Jim Xhema””.
“Bashkë me drejtorët, Krenar Xh Xhaferi, Arber Sadiki dhe Doruntinë E. Maloku, inspektuam punimet të cilat po zhvillohen me ritëm të shpejtë në ndërtimin e rrugës “Jim Xhema””, tha Rama.
