Në Bruksel tashmë ka filluar takimi mes kryengociatroëve të Kosovës dhe Serbisë, Besnik Bislimi dhe Petar Petkoviq nën ndërmjetësimin e përfaqësuesit të BE-së, Miroslav Lajçak.
Takimi trepalësh ka nisur diku rreth orës 10:00, ka mësuar Telegrafi.
25 vjet nga masakra në Krushë të Madhe dhe në tri fshatrat e RahovecitA ka diçka që nuk mund të bëjë Endrick? Talenti brazilian mahnitë me videon e funditGold AG dhe Meda sjellin këngën e re “Epopeja e Dukagjinit”Dinari i bën sërish bashkë Bislimin e Petkoviqin në Burksel – a do të ketë zgjidhje?“Humbja nuk ndryshon objektivat, duam të fitojmë në Euro 2024” – Mbappe harron tronditj…
Në këtë takim sikurse në atë të javës së shkuar po diskutohet për çështjen e dinarit serb, përdorimi i të cilit u ndalua në Kosovë muajin e kaluar.
Takimi i sotëm është vazhdim i takimit të javës së kaluar, kur të dyja palët u pajtuan për të propozuar një zgjidhje për çështjen e dinarit.
Ata pritet t’i diskutojnë propozimet e secilës palë gjatë këtij takimi të sotëm.
Ndryshe në takimin e javës që shkoi që u zhvillua më 19 mars, Kosova dhe Serbia u pajtuan që deri më 22 mars t’i dorëzojnë propozimet e tyre për përdorimin e dinarit serb në Kosovë.
Ishte hera e parë që zyrtarë të Qeverisë së Kosovës morën pjesë në bisedime të tilla, prej se Kosova, me një rregullore të Bankës Qendrore që hyri në fuqi më 1 shkurt, ndaloi përdorimin e dinarit serb, duke e bërë euron mjet të vetëm pagese.
Çështja, pos që zemëroi Serbinë, nxiti mospajtime edhe mes Qeverisë së Kosovës dhe bashkësisë ndërkombëtare, pasi komuniteti serb në Kosovë, prej vitesh, merr pagesa në dinarë nga buxheti i Serbisë.
Diplomatë perëndimorë i kërkuan Kosovës që ta pezullojë rregulloren, për t’iu dhënë kohë qytetarëve të prekur që të përshtaten me praktikën e re.
