Një shtetas francez grisi një kopje të Kuranit në një xhami në Trakinë Perëndimore të Greqisë, thanë përfaqësuesit e pakicës turke lokale të rajonit, transmeton Anadolu.
Pas një ankese të paraqitur nga vendasit që ishin dëshmitarë të aktit provokues në fshatin Ilıca Kaplıcalar (Ano Thermai) të provincës Iskece (Xanthi), shtetasi francez u ndalua nga ekipet lokale të policisë greke dhe u dërgua në komisariat, tha zyra e myftiut të zgjedhur në Iskece në një deklaratë.
Akti provokues u dënua ashpër nga figura të shquara të minoritetit dhe shoqatave turke, si dhe nga Ministria greke e Çështjeve Fetare dhe e Arsimit.
Sekretari i përgjithshëm i ministrisë, Giorgos Kalantzis, tha në një deklaratë: “Respekti për vendet e adhurimit të çdo komuniteti fetar është vlerë e panegociueshme për Greqinë”.
Shumica e pakicës etnike turke të Greqisë, afërsisht 150.000 njerëz, jetojnë në Trakinë Perëndimore, e cila kufizohet me Bullgarinë në veri, me Türkiyen në lindje, me Detin Egje në jug dhe me rajonin grek të Maqedonisë në perëndim.
