Numri i tmerrshëm i civilëve palestinezë të vrarë nga sulmet ajrore izraelite që nga fillimi i agresionit të fundit në Gaza, duke filluar më 7 tetor, hodhi dritë mbi përdorimin në rritje të Izraelit të inteligjencës artificiale (IA) për të zgjedhur objektivat e saj.
Ndërsa Izraeli rinovoi sulmet e tij të premten, pas një armëpushimi shtatëditor, pothuajse 300 palestinezë janë vrarë tashmë, duke i shtuar mbi 15,000 palestinezët e vrarë në fazën e parë të luftës.
Sipas Ministrisë palestineze të Shëndetësisë në Gaza, 70 për qind e viktimave janë gra dhe fëmijë.
Një hetim i kryer së bashku nga gazeta izraelito-palestineze +972 Magazine dhe botimi hebraik Local Call zbuloi se: “Autorizimi i zgjeruar i ushtrisë izraelite për bombardimin e objektivave joushtarake (..) dhe përdorimi i një sistemi të inteligjencës artificiale për të gjeneruar më shumë objektiva të mundshëm se kurrë më parë, duket se kanë kontribuar në natyrën shkatërruese të fazave fillestare të luftës aktuale të Izraelit në Rripin e Gazës”.
Hetimi thuhet se u bazua në “bisedat me shtatë anëtarë aktualë dhe ish-anëtarë të komunitetit të inteligjencës izraelite (…) përveç dëshmive palestineze, të dhënave dhe dokumentacionit nga Rripi i Gazës, dhe deklaratave zyrtare të zëdhënësit të IDF dhe institucioneve të tjera shtetërore izraelite.
Bombardimi pa dallim, sipas raportit, “ka për qëllim kryesisht të dëmtojë shoqërinë civile palestineze”.
Hetimi fajëson një numër të madh objektivash civile ndaj një sistemi të veçantë të IA-së të quajtur ‘Habsora’ (Ungjilli).
“Ky sistem i IA-së, siç përshkruhet nga një ish-oficer i inteligjencës, në thelb lehtëson një ‘fabrikë të vrasjeve masive’,” raportoi +972.
Një nga burimet shpjegoi se “Ungjilli” “përpunon sasi të mëdha të dhënash që “dhjetëra mijëra oficerë të inteligjencës nuk mund t’i përpunonin”.
Ky sistem, sipas një ish-oficeri të inteligjencës izraelite, «i mundëson ushtrisë (izraelite) të drejtojë një ‘fabrikë të vrasjeve masive’, në të cilën ‘theksi vihet në sasi dhe jo në cilësi’.
“Pesë burime të ndryshme konfirmuan se numri i civilëve që mund të vriten në sulmet në rezidenca private është i njohur paraprakisht për inteligjencën izraelite dhe shfaqet qartë në dosjen e objektivit nën kategorinë e “dëmtimit kolateral”, thuhet në raport.
