Zëdhënësi i ministrisë së shëndetësisë së Gazës, Ashraf al-Qudra thotë se trupat e të paktën 208 palestinezëve të vrarë kanë mbërritur në disa spitale në Rrip gjatë orëve të fundit.
Të paktën 416 persona janë plagosur në orët e fundit, tha ai, ndërsa “një numër i madh” viktimash mbeten nën rrënoja pasi forcat izraelite po bllokojnë ende ambulancat që të arrijnë në këto zona.
Forcat izraelite kanë shkatërruar sistemin e kujdesit shëndetësor në veri të Gazës.
Situata në spitalet në jug të Gazës është “katastrofike” pasi mjekët po luftojnë për të përballuar një numër të madh viktimash.
Situata e kujdesit shëndetësor në qendrat e strehimit është gjithashtu “katastrofike” pasi qindra mijëra njerëz u mungon uji dhe janë në rrezik të sëmundjes.
Të paktën 296 anëtarë të sektorit mjekësor janë vrarë dhe qindra janë plagosur.
