RTV AHIRETI
LajmeRajon dhe Botë

OBI përzgjedh provincën turke Şanlıurfa si “Qyteti i Turizmit” për vitin 2023

obi-perzgjedh-provincen-turke-sanliurfa-si-“qyteti-i-turizmit”-per-vitin-2023

Provinca Şanlıurfa që ndodhet në pjesën juglindore të Türkiye-s (Turqisë) është përzgjedhur nga Organizata e Bashkëpunimit Islam (OBI) si Qyteti i Turizmit për vitin 2023, transmeton Anadolu Agency (AA).

Vendimi u ndërmor gjatë sesionit të 11-të të Konferencës Islamike të Ministrave të Turizmit, e cila po mbahet në kryeqytetin e Azerbajxhanit, Baku, ndërsa vendimin e njoftoi përmes një deklarate Ministria e Kulturës dhe Turizmit e Türkiye-s.

Në deklaratë thuhet se provinca Khiva e Uzbekistanit është shpallur Qyteti i Turizmit nga OBI për vitin 2024.

Evenimenti tre-ditor, nën temën “Roli i komuniteteve lokale në zhvillimin e turizmit”, filloi dje.

OBI është organi i dytë ndërqeveritar më i madh pas OKB-së, me 57 shtetet e saj anëtare të shpërndara në katër kontinente.

Ajo u themelua në vitin 1969 në një samit historik në Rabat, kryeqyteti i Marokut, në kundërpërgjigje të një sulmi me zjarr në xhaminë Al-Aksa në Kudsin e pushtuar.

Related posts

Kosova e Sllovenia me tri marrëveshje për drejtësi, përfshirë edhe ekstradimin

rezart morina

Erdoğan: Le ta dijë Izraeli se do të vazhdojmë të qëndrojmë pranë vëllezërve dhe motrave tona palestineze – VIDEO

admin

OBSH: Rreth 160 fëmijë po vriten në Gaza çdo ditë

admin6