Organizata Botërore e Shëndetësisë (OBSH) njoftoi se Afrika është kontinenti që ka normën më të lartë të vetëvrasjeve në botë, transmeton Anadolu Agency (AA).
Në një deklaratë me shkrim nga OBSH-ja janë paraqitur normat e vetëvrasjeve në mbarë botën.
Sipas deklaratës, thuhet se Afrika është kontinenti që ka normën më të lartë në botë për vetëvrasjet.
Thuhet se mesatarisht 9 në 100 mijë njerëz kryejnë vetëvrasje në mbarë botën, ndërsa shkalla aktualisht është 11 për 100 mijë në Afrikë, që është mbi mesataren botërore.
Në deklaratë thuhet se në Afrikë ka një psikiatër për çdo 500 mijë njerëz, që është 100 herë më pak se rekomandimi i OBSH-së.
