Kolona e parë e ndihmave të OKB-së që transportonte furnizime me ushqime, ujë, dhe ilaçe ka mbërritur në vendet pranë Soledarit të Ukrainës, zonë e cila ka qenë subjekt i luftimeve intensive midis forcave ukrainase dhe ruse.
Një zëdhënës i OKB-së tha se një kolonë humanitare me tre kamionë kishte sjellë ndihma për rreth 800 njerëz pranë Soledar në rajonin lindor të Ukrainës Donetsk.
Jens Laerke nga Zyra e Kombeve të Bashkuara për Koordinimin e Çështjeve Humanitare tha se automjetet, të cilat u nisën nga Dnipro, po shkarkoheshin në zonat e kontrolluara nga qeveria ukrainase, pa dhënë një vendndodhje të saktë.
