Somalia po përballet me një nga krizat më të rënda të urisë në botë. Organizata e Kombeve të Bashkuara paralajmëroi se në pjesën jugperëndimore të vendit mund të shpërthejë uri e madhe, ndërsa afro gjashtë milionë njerëz po përballen çdo ditë me mungesë ushqimi.
Sipas OKB-së, fëmijët janë më të prekurit nga kjo krizë humanitare. Shumë familje nuk kanë mundësi të sigurojnë ushqim dhe ujë të mjaftueshëm, ndërsa numri i fëmijëve të kequshqyer po rritet vazhdimisht.
Situata është rënduar edhe më shumë nga mungesa e ndihmave humanitare, rritja e çmimeve dhe konfliktet në pjesë të ndryshme të botës, të cilat po ndikojnë në uljen e mbështetjes ndërkombëtare për Somalinë.
Organizatat humanitare po bëjnë thirrje për ndihmë urgjente, me qëllim që të shmanget një tragjedi e re humanitare në këtë shtet afrikan. /mesazhi
