RTV AHIRETI
FeaturedKosovëLajmeLajmet

Osmani bisedë telefonike me presidentin e Gjermanisë: Propozimi evropian, momentum i veçantë

osmani-bisede-telefonike-me-presidentin-e-gjermanise:-propozimi-evropian,-momentum-i-vecante

Presidentja e Kosovës, Vjosa Osmani ka zhvilluar sot një bisedë përmbajtjesore me Presidentin Federal të Republikës Federale të Gjermanisë, Frank-Walter Steinmeier si pjesë e konsultimeve dhe koordinimit të vazhdueshëm me homologë të shteteve aleate.

“Në këtë bisedë telefonike është biseduar për zhvillimet e fundit në rajon, dialogun me Serbinë, marrëdhëniet bilaterale me Gjermaninë, si dhe anëtarësimin e Republikës së Kosovës në organizata ndërkombëtare”, thuhet në njoftim.

Steinmeier ka vlerësuar procesin e reformave në Republikën e Kosovës, veçanërisht në fushën e sundimit të ligjit dhe ka shprehur përkrahje për rrugën euro-atlantike të vendit tonë.

Sipas njoftimit thuhet se presidentja Osmani e ka falënderuar Presidentin Steinmeier për mbështetjen e vazhdueshme të Gjermanisë karshi integrimit të plotë të Republikës së Kosovës në institucionet euroatlantike, ndërkaq ka potencuar rëndësinë e ecjes përpara me procesin e anëtarësimit në Këshillin e Evropës.

“Sa i përket procesit të dialogut me Serbinë, bashkëbiseduesit u pajtuan për momentumin e veçantë që ekziston në këtë proces pas propozimit evropian, të mbështetur edhe nga SHBA-të, ndërkaq Presidentja Osmani potencoi se Kosova mbetet e përkushtuar dhe konstruktive për një proces që kontribuon për paqe dhe stabilitet të qëndrueshëm në rajon”, thuhet në njoftim.

Related posts

Stuhia Daniel krijon ‘liqene’ në Sahara

rezart morina

Universiteti i Anversit në Belgjikë pezullon marrëdhëniet me Izraelin

admin6

SHBA dhe Koreja e Jugut marrëveshje për të penguar sulmet bërthamore nga Koreja e Veriut

rezart morina