RTV AHIRETI
LajmeRajon dhe Botë

Pakistani përballet me variant të ri të koronavirusit

pakistani-perballet-me-variant-te-ri-te-koronavirusit

Autoritetet shëndetësore në Pakistan konfirmuan praninë e variantit të ri të koronavirusit që shkakton sëmundjen COVID-19, që besohet të jetë shkaktari i rritjes së rasteve në Kinë.

Instituti Kombëtar i Shëndetësisë (NIH) konfirmoi zbulimin e nënvariantit Omicron XBB në Pakistan.

Kryeministri Shehbaz Sharif shqyrtoi situatën e COVID-19 dhe gatishmërinë e autoriteteve për t’u marrë me një rritje të mundshme të rasteve të reja pas zbulimit të variantit të ri.

Ai u kërkoi autoriteteve të rrisin kontrollin e pasagjerëve në aeroporte, në vendkalimet kufitare dhe të vaksinojnë fëmijët e moshës nga 5 deri në 12 vjeç në mënyrë urgjente.

“Ne mund të merremi me variantin e ri sepse niveli i imunitetit të qytetarëve është më i mirë për shkak të vaksinimit “, tha një zëdhënës i ministrisë së shëndetësisë.

Rreth 90 për qind e popullsisë është plotësisht e vaksinuar, ndërsa autoritetet në Punjab, provinca më e populluar e vendit, kanë rekomanduar një dozë përforcuese për mbrojtjen kundër virusit.

Jeta është kthyer në normalitet që nga shpërthimi i pandemisë në fillim të vitit 2020 dhe Pakistani nuk ka më asnjë kufizim në fuqi.

Asnjë vdekje në lidhje me COVID-19 nuk është raportuar gjatë 25 ditëve të fundit, sipas ministrisë.

Pakistani ka regjistruar më shumë se 1.5 milionë raste dhe mbi 30,000 vdekje të lidhura me COVID-19 në total.

Related posts

Gjukanoviq: Mali i Zi në krizë të thellë institucionale dhe politike

admin

Rama në Bruksel flet për Kosovën: E vetmja tokë evropiane pa liberalizim vizash, kjo është çmenduri

admin

Protestuesit antiqeveritarë në Peru dalin sërish në rrugë

admin