Presidenca palestineze mirëpriti deklaratën nga Gjykata Ndërkombëtare e Drejtësisë (ICJ) që tha se pushtimi i territoreve palestineze nga izraeli që nga viti 1967 është i paligjshëm.
Në një deklaratë, presidenca e përshkroi vendimin si “një triumf për drejtësinë” dhe “ripohim të së drejtës së popullit palestinez për vetëvendosje, tokën dhe shtetësinë e tij”.
Deklarata vuri në dukje se vendimi i ICJ-së është një përgjigje ndaj rezolutës së parlamentit izraelit të enjten që hodhi poshtë krijimin e një shteti palestinez.
GJND tha se pushtimi prej dekadash i tokës palestineze nga Izraeli është “i paligjshëm” dhe duhet t’i jepet fund “sa më shpejt të jetë e mundur”.
Në fund të vitit 2022, Asambleja e Përgjithshme kishte miratuar një rezolutë duke kërkuar nga GJND-ja të jepte një opinion këshillues mbi pasojat ligjore që lindin nga pushtimi izraelit i territoreve palestineze që nga viti 1967, se si politikat dhe praktikat e Izraelit ndikojnë në statusin ligjor të okupimit, dhe cilat janë pasojat juridike që lindin për të gjitha shtetet dhe OKB-në nga ky status. /abcnews
