Agjencitë humanitare janë në “garë me kohën” për të dërguar ushqime dhe ndihma të tjera në Gaza, për shkak të pengesave që vazhdojnë të vendosen nga Izraeli, njoftoi një zyrtar i OKB-së.
Një zëdhënëse e Programit Botëror të Ushqimit (WFP) tha se dërgesat e ndihmave janë rritur që nga hyrja në fuqi e armëpushimit mes Izraelit dhe Hamasit muajin e kaluar. Megjithatë, vetëm dy pika kalimi janë të hapura, gjë që “kufizon shumë sasinë e ndihmës” që mund të transportohet.
“Na duhet qasje e plotë. Na duhet që gjithçka të lëvizë shpejt. Jemi në një garë me kohën. Po vijnë muajt e dimrit, njerëzit ende vuajnë nga uria, dhe nevojat janë jashtëzakonisht të mëdha,” tha Abeer Etefa. /mesazhi
