Papa Françesku tha se pensioni mbetet një opsion i hapur për të gjithë papët, por se ai për momentin nuk është duke e konsideruar atë si mundësi, raporton Anadolu.
“Unë jam ende gjallë”, u përgjigj Françesku kur u pyet si ishte nga prezantuesi televiziv Fabio Fazio, i cili dje intervistoi Papën për rreth një orë gjatë shfaqjes së tij në kanalin komercial Nove.
Dorëheqja e mundshme “nuk është një mendim, shqetësim apo dëshirë, por një mundësi e hapur për të gjithë papët. Por për momentin nuk është në qendër të mendimeve të mia”, tha ai.
“Për sa kohë që kam dëshirë të shërbej, do të vazhdoj ta bëj”, shtoi Françesku, duke vënë në dukje se nëse ndryshojnë rrethanat “ne do të duhet të rimendojmë mundësitë”.
Shëndeti i Papa Françeskut ka qenë një burim shqetësimi kohët e fundit.
Papa 87-vjeçar nuk ishte në gjendje të përfundonte një fjalim të premten, duke u ankuar për “nga bronkiti” gjatë një fjalimi publik në Vatikan.
Ai gjithashtu vuajti nga një infeksion akut i mushkërive në nëntor që e detyroi të anulonte udhëtimin për në samitin e klimës COP28 në Dubai.
