Pas përleshjes fizike që ndodhi këtë të enjte, deputetët janë mbledhur sërish për vazhdimin e seancës plenare të Kuvendit.
Seanca pritet të vazhdojë pas një pauze mbi tri orëshe.
Kryeparlamentari Glauk Konjufca njoftoi për ndërprerjen e seancës pasi debati parlamentar eskaloi në përleshje fizike mes deputetëve të PDK-së dhe atyre të pushtetit si dhe ministrave.
E gjithë përleshja nisi gjatë kohës sa ishte duke folur kryeministri Albin Kurti, kur atij iu afrua për ta lagur me ujë deputeti Mergim Lushtaku.
Ministri Hekuran Murati reagoi duke u përpjekur që ta mbronte Kurtin me një fashikull, e Lushtaku iu kthye për ta lagur edhe zëvendëskryeministrin Besnik Bislimi i cili pastaj e gjuajti në fytyrë me shishe të ujit.
Pastaj aty janë ofruar disa prej ministrave, deputetët e pushtetit e të PDK-së të cilët janë përfshirë në rrahje.
