RTV AHIRETI
LajmeRajon dhe Botë

Pas zjarreve, Toronto në mesin e qyteteve me ajrin më të ndotur në botë

pas-zjarreve,-toronto-ne-mesin-e-qyteteve-me-ajrin-me-te-ndotur-ne-bote

Për shkak të zjarreve pyjore që vazhdojnë në Toronto, metropoli më i madh në Kanada është përfshirë në mesin e qyteteve që kanë ajrin më të ndotur në botë, transmeton Anadolu.

Sipas të dhënave të “IQAir” me qendër në Zvicër që monitoron cilësinë e ajrit, bëhet e ditur se cilësia e ajrit në Toronto ka rënë për shkak të tymit i cili është efektiv pas zjarreve pyjore.

Ministria e Mjedisit të Kanadasë ka njoftuar se tymi që del nga zjarret ka shkaktuar “prishjen e cilësisë së ajrit” në Toronto dhe Hamilton si dhe në rajonet e tjera të Ontario-s.

Bëhet e ditur se ajri jo i shëndetshëm i shkaktuar nga tymi në rajonin e Ontario-s dhe kryesisht në Toronto, do të vazhdojë edhe për një kohë.

Toronto i cili gjatë ditës ndryshon vend në renditjen e cilësisë së ajrit për shkak të zjarreve pyjore që vazhdojnë, ende është qyteti i 5-të me cilësinë më të keqe të ajrit në botë.

– Tymi ka mbuluar sërish një pjesë të madhe të SHBA-së

Tymi ka mbuluar sërish një pjesë të madhe të SHBA-së. Për shkak të tymit dhe ajrit jo cilësor banorëve të zonës u është bërë paralajmërimi të qëndrojnë në shtëpi dhe të mos dalin nëse nuk është e nevojshme.

Shumë qytete të mëdha, përfshirë Chicagon, Detroitin dhe Indianapolisin, kanë rënë në kategorinë e qyteteve me cilësinë më të keqe të ajrit në SHBA.

Në një deklaratë nga Qendra Kanadeze e Zjarrfikësve Ndërinstitucional të Pyjeve, që nga mëngjesi i të mërkurës në të gjithë vendin janë 487 zjarre aktive.

Që nga 1 janari janë djegur 76.129 kilometra katrorë sipërfaqe pyjore. Kjo shifër sipas Bazës së të Dhënave Kombëtare për Pyjet tejkalon rekordin e sipërfaqes më të madhe të djegur në vitin 1989 e cila ishte 75.596 kilometra katrorë.

Related posts

Nuk ka interesim të minoriteteve për konkursin në Policinë e Kosovës

admin

Dhunimi i 11 vjeçares, sot protestohet sërish në Prishtinë

admin

24 vjet nga krimi serb mbi qytetarët e Skenderajt

admin