Parlamenti Evropian ka votuar sot për njohjen e urisë në Ukrainë, e shkaktuar qëllimisht 90 vjet më parë, si gjenocid.
“Parlamenti Evropian e njeh urinë e shkaktuar nga regjimi sovjetik në Ukrainë në vitet 1932-1933, të njohur si “Holodomor”, si gjenocid”, thuhet në një deklaratë për shtyp.
“Ligjvënësit e BE-së i dënojnë fuqishëm këto akte, të cilat rezultuan në vdekjen e miliona ukrainasve dhe u bëjnë thirrje të gjitha vendeve dhe organizatave që nuk e kanë bërë ende një gjë të tillë të ndjekin shembullin dhe ta njohin atë si gjenocid”, thuhet në deklaratë.
“Ndërsa dënon regjimin aktual rus për manipulimin e kujtesës historike me qëllim të mbijetesës së tij, Parlamenti i bën thirrje Federatës Ruse, si pasardhëse kryesore e Bashkimit Sovjetik, të kërkojë falje për ato krime”, thuhet në njoftim.
Bundestagu gjithashtu e klasifikoi “Holodomor” si gjenocid rreth dy javë më parë.