Fitorja e Francës kundër Marokut 2-0 në gjysmëfinalen e Kupës së Botës ka shkaktuar incidente të shumta gjithandej në Francë.
Një djalosh 14 vjeçar ka humbur jetën mbrëmë në Francë, si rezultat i trazirave që shpërthyen pasu Franca arriti fitore në gjysmëfinalen e Kupës së Botës kundër kombëtares së Marokut. Rastin në fjalë e kanë konfirmuar autoritetet franceze të cilët kanë paralajamëruar zhvillimin urgjent të hetimeve. Raportohet se rasti ka ndodhur pasi një makinë dhunshëm e ka goditur djaloshin në qytetin e Montepllier.
Si pasojë i këtyre incidenteve më shumë se 120 persona janë arrestuar në Paris dhe qytetet e tjera të Francës.
Autoritetet e sigurisë franceze paraprakisht ishin përgatitur dhe kishin mobilizuar 10 mijë nëpunës policorë, prej të cilëve 5 mijë ishin të përqendruar në qytetin e Parisit dhe rrethinës.
Por, përkundër masave të ndërmarra, tifozët marokenë u përballën me sulme verbale dhe fizike nga disa grupe të ekstremit të djathtë.
Të paktën 115 persona u arrestuan në total në Paris dhe zonat përreth tij, njoftuan mediat lokale.
Mes tyre ishin 40 të dyshuar të së djathtës ekstreme që po përpiqeshin të arrinin në Champs-Elysees, pika më e ngarkuar e kryeqytetit që ishte e mbushur me tifozë futbolli, thuhet në raportet.
Dhuna u raportua gjithashtu në qytetet kryesore si Lioni, Nice dhe Montpellier.
Mediat franceze raportojne se të paktën gjashtë persona, përfshirë dy anëtarë të një grupi të krahut të djathtë, u arrestuan pas një përleshjeje mes tifozëve rivalë në Lyon.
Deputeti francez Thomas Portes dënoi “sulmet e planifikuara” dhe “dhunën raciste” kundër tifozëve marokenë.
“Jemi pranë një tragjedie. Duhet të reagojmë”, ka shkruar ai në Twitter.
Antoine Leaument, një tjetër parlamentar, tha se “fashistët … duke bërtitur komente raciste” sulmuan tifozët marokenë në Nice.
Last night, after the end of match between French-Moroccan teams, a French fan in France ran over several Moroccan fans with a car.
As a result of this action, a 14-year-old Moroccan boy was killed. pic.twitter.com/dS2TVtdzXw— Middle East News (@Draganov313) December 15, 2022
