Departamenti i Mbrojtjes së SHBA-së (Pentagon) njoftoi se kompanisë së mbrojtjes Raytheon i ka dhënë tenderin prej 1.2 miliard dollarë për të prodhuar Sistemin Kombëtar të Avancuar Raketor Tokë-Ajër (NASAMS) për Ukrainën, transmeton Anadolu Agency (AA).
Në një deklaratë me shkrim nga Pentagoni thuhet se “Kompania Raytheon fitoi tenderin me çmim prej mbi 1.2 miliard dollarë për furnizimin e pajisjeve, shërbimeve dhe pjesëve rezervë lidhur me NASAMS me qëllimin për të mbështetur përpjekjet në Ukrainë. Ofertat u kërkuan përmes internetit dhe u mor një ofertë”.
Prodhimi do të përfundojë më 28 nëntor të vitit 2025 dhe se shuma e marrëveshjes do të sigurohet nga një fond i ndarë për Iniciativën e Ndihmës për Sigurinë e Ukrainës në buxhetin mbrojtjes të vitit fiskal 2023.
Ukraina një kohë të gjatë kërkon nga SHBA-ja sistem të mbrojtjes ajrore.
Muajin e kaluar Pentagoni i dërgoi Ukrainës dy NASAMS.
Përballë kërkesës së Ukrainës për sistemin e mbrojtjes ajrore “Patriot”, Pentagoni tha se aktualisht nuk kanë në plan dërgimin e sistemit “Patriot”.
“Every day, Ukraine expects another massive rocket attack on our cities and villages. Thank you to our Norwegian partners for making life much, much safer for our citizens” #NASAMS #Ukraine
pic.twitter.com/YMNJXcsdic
— M|§F|T
