Iluzioni gati fëminor i presidentit amerikan për paqe me Izraelin nga pas
Donald Trump njoftoi se ka vendosur të anulojë sulmet e planifikuara të SHBA-së kundër Iranit, me kusht që të arrihet menjëherë një marrëveshje me Teheranin. Deklarata e presidentit të SHBA-së erdhi disa orë pas raportimeve të mediave amerikane për sulme të reja të afërta.
Në një postim në platformën Truth Social, presidenti amerikan tha: “Kam rënë dakord, për të mirën e ardhshme të BOTËS dhe, në të njëjtën kohë, për mbijetesën e një Irani të suksesshëm dhe të begatë, të anuloj sulmin, me kusht që të arrijmë shpejt një MARRËVESHJE.”
Postimi:
“Shtetet e Bashkuara janë plotësisht të përgatitura dhe gati për të vepruar kundër Republikës Islamike të Iranit, me nivele fuqie ushtarake, force dhe fuqie zjarri të papara që nga Lufta e Dytë Botërore. Megjithatë, sapo kemi marrë një kërkesë nga Irani, si dhe nga vendet e tjera të Lindjes së Mesme, për të shtyrë çdo sulm, pasi parametrat bazë të një marrëveshjeje janë rënë dakord.
Kjo do të përfshinte HAPJEN e menjëhershme, të plotë dhe të plotë të Ngushticës së Hormuzit, si dhe fundin e kërcënimit bërthamor të Iranit.
Bazuar në këtë kërkesë, unë kam rënë dakord, për të mirën e ardhshme të BOTËS dhe, në të njëjtën kohë, për mbijetesën e një Irani të suksesshëm dhe të begatë, të anuloj sulmin, me kusht që të arrijmë shpejt një MARRËVESHJE.
Shteti i Izraelit ndan angazhimin tim. Bëni më të mirën tuaj dhe përfundojeni marrëveshjen. Faleminderit për vëmendjen tuaj ndaj kësaj çështjeje!
Presidenti DONALD J. TRUMP”
Deklarata e Trump vjen pas raportime në mediat amerikane, sipas të cilave Uashingtoni po shqyrtonte mundësinë e bombardimeve të reja e të rënda kundër Iranit edhe gjatë fundjavës.
Më parë, Teherani kishte akuzuar Shtetet e Bashkuara për përshkallëzim të tensionit në rajon, duke paralajmëruar se çdo shtet që bashkëpunon ushtarakisht me Uashingtonin do të “përfshihej nga flakët e luftës”.
Në të njëjtën kohë, qeveria amerikane u kishte bërë thirrje qytetarëve amerikanë në Lindjen e Mesme të ishin në gatishmëri të shtuar dhe të ishin të gatshëm të largoheshin nga rajoni në rast të përshkallëzimit të mëtejshëm të krizës.
Megjithatë, deklamime të tilla të bujshme janë bërë dhe më herët, tashmë gati në seri kohë pas kohë, ku vërtet ngjan se hallet e botës morrën fund e jo thjesht një luftë.
Por, gjersa pas çdo zhvillimi të jetë Izraeli, ky është vetëm një iluzion naiv njerëzor. Një Izrael që tenton të bëjë zap botën e që luan fijet e çdo të keqeje kërcënuese ndaj saj, s’mund të jetë kurrë një garante paqeje. /tesheshi
