Shteti sionist, me Dhomë Tregtie te gjenocidalët e Ballkanit
Pas Shqipërisë, Izraeli po shfaqet i “dashur” në Ballkan me vendin ku gatuhet ritrazimi i rajonit: Banja Luka, qendra e serbëve të Bosnjës, aty ku ka selinë Republika Srpska dhe famëkeqi Milorad Dodik.
Dje, aty u hap një Dhomë Tregëtie mes Izraelit dhe Republika Srpska, me praninë e ambasadores Galit Peleg, asaj që po udhëheq tashmë një invazion izraelit në Shqipëri.
Ky zhvillim shkruan MME, shënon një hap tjetër në përpjekjen e Izraelit për ndikim më të madh në Ballkan, ndërsa përballet me një izolim ndërkombëtar në rritje.
Ajo gjithashtu pasqyron gatishmërinë në rritje të Izraelit për të kultivuar lëvizje politike destabilizuese dhe entitete që kërkojnë autonomi ose pavarësi më të madhe nga shtetet e njohura ndërkombëtarisht.
Ishte i pranishëm aty dhe ministri izraelit i Diasporës, Amichai Chikli, një mbështetës i spastrimit etnik të palestinezëve nga Gaza.
Duke folur në ceremoni, Chikli tha se dhoma “duhet të bëhet një pikë kontakti e përhershme për kompanitë izraelite që kërkojnë mundësi në Republikën Srpska dhe në rajonin më të gjerë”.
Duke iu drejtuar Milorad Dodikut, ai tha: “Ju dhe e gjithë udhëheqja e Republikës Srpska jeni miq të vërtetë të Izraelit dhe popullit hebre. Tani kemi privilegjin ta çojmë këtë marrëdhënie në një nivel më të lartë dhe ta kthejmë miqësinë tonë në veprim”.
Kujtojmë se Dodik e ka përshkruar flamurin palestinez si një “flamur terrorist” dhe ka mbështetur spastrimin etnik të palestinezëve nga Gaza.
Në një intervistë me Israel Hayom vitin e kaluar, Dodik tha: “Popullsia armiqësore e Gazës duhet të shkojë diku tjetër”.
“Ballkani është në listë si gadishulli evropian më i afërt me Lindjen e Mesme dhe Afrikën e Veriut dhe nuk është keq që Izraeli të ketë një formë të pranisë në Ballkan për t’iu kundërvënë Turqisë”, shtoi ai.
Në shkurt, ai i tha The Jerusalem Post se Republika Srpska ishte “Izraeli i Ballkanit”, duke tërhequr një paralele politike midis ambicieve separatiste të entitetit serb të Bosnjës dhe Izraelit.
Kështu, politika gjenocidistëve të Ballkanit po ndiqet tashmë dhe nga ajo e Tiranës zyrtare, e cila është kthyer në një vasale të bindur të Izraelit. /tesheshi
