Të paktën 15 persona kanë humbur jetën dhe 8 të tjerë janë zhdukur si pasojë e përmbytjeve dhe rrëshqitjeve të dheut të shkaktuara nga shirat intensivë në Haiti, transmeton Anadolu.
Në një deklaratë nga Agjencia e Mbrojtjes Civile të Haitit thuhet se për shkak të përmbytjeve janë evakuuar nga shtëpitë e tyre rreth 13.400 persona.
Në përmbytjet dhe rrëshqitjet e dheut të shkaktuara nga shirat intensivë janë dëmtuar mbi 7.400 shtëpi.
Kryeministri i Haitit, Ariel Henry në një deklaratë tha se për të prekurit nga përmbytjet, qeveria po punon në partneritet me organizatat lokale dhe ato ndërkombëtare.
Në uraganin “Matthew” i cili goditi Haitin në vitin 2016 humbën jetën mbi 800 persona.