RTV AHIRETI
FeaturedKosovëLajmeLajmet

Policia dhe Prokuroria me aksion në disa lokacione në Kosovë

policia-dhe-prokuroria-me-aksion-ne-disa-lokacione-ne-kosove

Policia e Kosovës në koordinim me Prokurorinë Themelore të Prishtinës, janë duke realizuar një aksion në disa lokacione.

Aksioni i cili ka nisur në mëngjes dhe po vazhdon ende, ka të bëjë me dyshimet mbi kryerjen e veprave penale “Mashtrimi në detyrë”, “Dokumentet e rrejshme lidhur me tatimin” dhe “Shmangia nga tatimi”.

Lajmin për Telegrafin e ka konfirmuar zëdhënësja e Prokurorisë Themelore në Prishtinë, Laureta Ulaj.

“Kryeprokurori i Prokurorisë Themelore në Prishtinë, Zejnullah Gashi, njofton se nën udhëheqjen e kësaj prokurorie, më konkretisht nga Departamenti për Krime Ekonomike dhe Korrupsion, në koordinim të plotë me Policinë dhe pas aprovimit të Gjyqtarit të Procedurës Paraprake, është duke u zhvilluar një aksion që nga mëngjesi, përfshirë disa lokacione në nivel në Kosovës, mbi dyshimin e kryerjes së veprave penale nga persona zyrtarë e qytetarë, më konkretisht dyshim mbi kryerjen e veprave penale “Mashtrimi në detyrë”, “Dokumentet e rrejshme lidhur me tatimin” dhe “Shmangia nga tatimi””, ka deklaruar Ulaj.

Ajo ka shtuar se Prokuroria Themelore në Prishtinë do t’iu njoftojë me kohë për zhvillimet nga ky aksion, pasi të mbarojë i tëri.

Related posts

Kurti shpreh gatshmëri për takime të radhës në Bruksel

admin

Më keq se ferri: Gratë shtatzëna të Gazës luftojnë për jetën

admin6

Rusia paralajmëron BE-në: Sanksionet e reja do të dëmtojnë ekonominë globale

admin