Në orët e hershme të mëngjesit është raportuar për një mjet shpërthyes në Tokbashqe.
Sipas policisë, pas ndërmarrjeve të gjitha veprimeve të nevojshme operative si dhe kontrollit të detajuar, ka rezultuar se mjeti nuk ka qenë shpërthyes.
Kështu e ka konfirmuar për tëvë1.info zëdhënësja e policisë për rajonin e Prishtinës, Flora Ahmeti.
Ajo ka thënë se bëhet fjalë për një pajisje të veturës, ndërsa pas përfundimit të ekzaminimit rruga është liruar për qarkullim.
“Pas ndërmarrjes së të gjitha veprimeve të nevojshme operative si dhe kontrollit të detajuar të hapësirës së caktuar nga ana e njësive të specializuara për menaxhimin me mjetet shpërthyese, ka rezultuar se mjeti nuk ka qenë shpërthyes. Bëhet fjalë për një pajisje të veturës. Pas përfundimit të ekzaminimit rruga është liruar për qarkullim”, ka deklaruar Ahmeti.
