Politikani danez i ekstremit të djathtë Rasmus Paludan kreu një tjetër akt provokues sot, duke djegur një kopje të dytë të librit të shenjtë musliman, Kuranit, këtë herë para Ambasadës së Turqisë në Danimarkë, raporton Anadolu Agency (AA).
Paludan, lideri i partisë së ekstremit të djathtë “Stram Kurs”, kërkoi të bënte një deklaratë për gazetarët përpara provokimit nga një pikë përballë ambasadës, nën mbrojtjen e policisë.
Policia në vendngjarje paralajmëroi ashpër turqit dhe përfaqësuesit e shtypit që ishin mbledhur në zonë që të mos largoheshin nga pozicionet e tyre, por e trajtuan me dashamirësi Paludan-in.
Forca të shumta policie u vendosën para ambasadës turke gjatë provokimit në kuadër të masave të sigurisë të marra nga autoritetet.
Disa shtetas turq, të cilët u mblodhën rreth ambasadës dhe po recitonin ezanin përmes altoparlantëve, u larguan nga zona, e cila u rrethua nga autoritetet pak para se të mbërrinte Paludan.
#Danimarka‘da Türk Konsolosluğu önündeki Müslüman kardeşlerimiz, Rasmus Paludan denen soysuzu bekliyor…pic.twitter.com/2K944m8gCq
— Fâtih Sultan Mehmed Han (@tevhidasri_2001) January 27, 2023
Pas djegies së Kuranit, Paludan tentoi të provokonte turqit që ishin mbledhur para ambasadës.
Ai u largua nga zona nën mbrojtjen e policisë pas 45 minutash.
Disa orë më parë, Paludan kishte djegur një kopje tjetër të Kuranit përpara një xhamie në Danimarkë.
Këto incidente ndodhën disa ditë pasi Paludan dogji një kopje të Kuranit jashtë ambasadës turke në Stokholm nën mbrojtjen e policisë dhe me lejen e autoriteteve.
Një akt tjetër i tillë u krye nga Edwin Wagensveld, një politikan holandez i ekstremit të djathtë dhe udhëheqës i grupit islamofobik Pegida, duke copëtuar faqet nga një kopje e Kuranit në Hagë më 23 janar.
Ndaj sulmeve kundër Kuranit në Suedi dhe Holandë kanë ardhur reagime në Turqi dhe shumë vende të tjera.
Turqia dënon “krimet e urrejtjes” kundër Kuranit
Pas veprimeve të Paludan-it në Danimarkë, Turqia sot dënoi ashpër vendimin për të lejuar “krimet e urrejtjes” kundër librit të shenjtë islam.
“Ne dënojmë me termat më të ashpër që krimi i urrejtjes i kryer në Suedi kundër librit tonë të shenjtë, Kuranit, u lejua të kryhej sërish nga i njëjti sharlatan islamofobik në kryeqytetin e Danimarkës, Kopenhagë, sot”, thuhet në një deklaratë të Ministrisë së Jashtme turke.
| Rasmus Paludan, Danimarka’daki Büyükelçiliğimiz önünde malûm provokasyonu yapma girişiminde bulundu.
Türk diplomatlar büyükelçilik binasından Mehter marşı açarak karşılık verdi. #SONDAKIKA pic.twitter.com/K0teujLAaQ
— Muhalif WEB (@MuhalifWeb) January 27, 2023
