RTV AHIRETI
LajmeRajon dhe Botë

Polonia do të dërgojë 2 mijë ushtarë shtesë në kufirin e saj me Bjellorusinë

polonia-do-te-dergoje-2-mije-ushtare-shtese-ne-kufirin-e-saj-me-bjellorusine

Zëvendësministri i brendshëm i Polonisë, Maciej Wasik tha se në kufirin e tyre me Bjellorusinë do të dërgojnë 2 mijë ushtarë shtesë, të cilët janë dyfishi i shifrës së njoftuar më parë, transmeton Anadolu.

Në një deklaratë për agjencinë e lajmeve të Polonisë, PAP, Wasik shprehu se vendimi për dërgimin e ushtarëve është marrë në Këshillin e Ministrave.

Rojet Kufitare të Polonisë në fillim të javës kërkuan nga ministria e mbrojtjes dërgimin e një mijë ushtarëve shtesë në kufirin me Bjellorusinë.

Përforcimi u miratua nga ministri i mbrojtjes Mariusz Blaszczak, njoftoi Wasik. “Ky përforcim nuk do të jetë një mijë por dy mijë. Ky vendim u mor nga ministri Blaszczak”, tha ai.

Sipas Wasik ushtarët do të mbërrijnë në zonat e detyrës brenda dy javëve të ardhshme për të mbështetur rojet kufitare në Podlaskie ve Lubelskie që ndodhen në kufi me Bjellorusinë.

Kohët fundit në afërsi të kufirit të Polonisë u vërejtën anëtarë të grupit mercenar Wagner, ndërsa edhe kryeministri Mateusz Morawiecki tha se ky zhvillim synon destabilizimin e situatës në krahun lindor të NATO-s.

Sipas medias së Polonisë, në kufirin e vendit me Bjellorusinë aktualisht krahas 2 mijë ushtarëve ushtrojnë detyrën edhe qindra policë dhe roje kufitare.

Related posts

Policia e Kosovës konfirmon dorëheqjet e zyrtarëve policorë serbë: Kemi kapacitete për menaxhimin e situatës

admin

“Nuk jam i gatshëm të heq dorë nga…”- Netanyahu s’pranon marrëveshje që i jep fund luftës në Gazë, vetëm armëpushim të “pjesshëm”

admin

Ukraina sulmon me dron një depo nafte në Rusi, një person i vrarë

admin