RTV AHIRETI
LajmeRajon dhe Botë

Polonia i dorëzon Ukrainës tanket “Leopard”

polonia-i-dorezon-ukraines-tanket-“leopard”

Polonia do t’i ofrojë Ukrainës tanket e saj “Leopard” të prodhimit gjerman, njoftoi sot presidenti polak, Andrzej Duda, në Lviv në një takim me homologët e tij ukrainas dhe lituanez.

“Andrzej Duda, Volodymyr Zelensky dhe Gitanas Nauseda u takuan si pjesë e formatit tripalësh të bashkëpunimit fqinjësor të njohur si Trekëndëshi i Lublinit”, njoftoi sot zyra e presidentit polak.

Andrzej Duda tha në një konferencë për shtyp pas takimit se, Polonia kishte vendosur t’i dorëzonte Ukrainës disa nga tanket e saj “Leopard” të prodhimit gjerman.

“Një kompani e tankeve “Leopard” do të dorëzohet si pjesë e një koalicioni që po ndërtohet sepse, siç e dini, duhet të plotësohen një numër i madh kërkesash formale, marrëveshjesh, por në radhë të parë duam që ky të jetë një koalicion ndërkombëtar”, tha Duda.

Duda shprehu besimin se shumë vende do t’i bashkohen së shpejti përpjekjes së Polonisë.

Zelensky falënderoi Poloninë dhe Lituaninë për mbështetjen e tyre dhe tha se Ukraina po priste një “vendim të përbashkët” të vendeve që po shqyrtonin dorëzimin e tankeve në Ukrainë.

Polonia i ka ofruar Ukrainës një numër të konsiderueshëm të tankeve të saj T-72 të epokës sovjetike, si dhe obusët vetëlëvizës Krab, pushkë sulmi Grot dhe municione. /atsh

Related posts

Kthimi i Trumpit apo fitorja e Harrisit? Analisti amerikan: Ballkanin mund ta presin ndryshime, situata në rajon është përkeqësuar

admin

Miliarderi australian “ringjall” ëndrrën për të lundruar në Titanikun II, prezantohet plani i ndërtimit të anijes. Ja si do të duket

admin

“Ke shkelur urdhrin”/ Gjykatësi paralajmëroi Donald Trump: Mund të burgosesh nëse …

admin