Ministri polak i Mbrojtjes, Wladyslaw Kosiniak-Kamysz, deklaroi se me SHBA-në është nënshkruar një marrëveshje prej 10 miliardë dollarësh për dorëzimin e 96 helikopterëve “AH-64E Apache”, pajisjeve përkatëse, logjistikës dhe paketës stërvitore, transmeton Anadolu.
Sipas lajmit të agjencisë polake PAP, ceremonia e nënshkrimit të marrëveshjes mes SHBA-së dhe Polonisë u mbajt në bazën e 56-të ajrore në qytetin Inowroclaw.
Në deklaratën e tij këtu, ministri i Mbrojtjes Kosiniak-Kamysz, tha se një marrëveshje 10 miliardë dollarësh është nënshkruar me SHBA-në për dorëzimin e 96 helikopterëve “AH-64E Apache”, pajisjeve përkatëse, logjistikës dhe paketës stërvitore.
“Ky është një moment historik i rëndësishëm për transformimin e ushtrisë me helikopterët më modernë”, deklaroi ministri Kosiniak-Kamysz
Helikopterët sulmues Mil Mi-24 të prodhimit rus në inventarin e saj, Polonia dëshiron t‘i zëvendësojë me mjete ajrore moderne.
Departamenti Amerikan i Shtetit miratoi shitjen e helikopterëve “Apache”, dhe pajisjeve përkatëse për Poloninë më 22 gusht 2023.
