RTV AHIRETI
LajmeRajon dhe Botë

Popullsia e Spanjës rritet për 6 vite radhazi falë imigrantëve

popullsia-e-spanjes-rritet-per-6-vite-radhazi-fale-imigranteve

Popullsia në Spanjë është rritur falë imigrantëve që vijnë në vend për 6 vite radhazi, transmeton Anadolu Agency (AA).

Sipas të dhënave të Institutit Kombëtar të Statistikave të Spanjës (INE), popullsia e vendit në vitin 2021 u shpall në 47.043.000 me një rritje prej 34.110 krahasuar me vitin paraprak.

Në vitin 2021, në vend është vërejtur një rënie e natalitetit dhe rritje e vdekshmërisë, ashtu si në vitin 2016, dhe arsyeja e vetme e rritjes së popullsisë kanë qenë imigrantët.

Vitin e kaluar në Spanjë u regjistruan 336.247 lindje dhe 449.270 vdekje, dhe rënia me 113.023 e popullsisë është kthyer në rritje falë imigrantëve.

INE raportoi se 530.401 imigrantë të regjistruar erdhën në Spanjë në vitin 2021 dhe 381.724 imigrantë u larguan nga vendi.

Në mesin e të huajve që erdhën në Spanjë në vitin 2021 janë më së shumti janë italianë (19.093), kolumbianë (18.503) dhe venezuelas (11.481).

Imigrantët përbëjnë 5,41 milionë të popullsisë totale në Spanjë dhe në vend të parë janë marokenët (776.223), rumunët (632.859), britanikët (316.529), kolumbianët (315.885) dhe italianët (298.817). /aa

Related posts

Putini i jep nënshtetësinë ruse të dyshuarit për krime lufte në Bosnjë

rezart morina

Presidenti i Iranit uron Presidentin Erdoğan për fitoren në zgjedhje

rezart morina

Plagosja e serbit në Zveçan, Hovenier: Të hetohet rasti dhe të zbardhet plotësisht

rezart morina