RTV AHIRETI
FeaturedKosovëLajmeLajmet

Presidenca jep detaje rreth takimit Osmani-Biden

presidenca-jep-detaje-rreth-takimit-osmani-biden

Presidentja e Republikës së Kosovës, Vjosa Osmani, e cila po qëndron në New York ku po mbahet sesioni i 78-të i Asamblesë së Kombeve të Bashkuara, ka marrë pjesë në pritjen zyrtare të organizuar nga presidenti i SHBA-ve, Joe Biden.

Sipas Presidencës së Kosovës, në një bashkëbisedim të ngrohtë me Biden, Osmani ka theksuar se në themelet e lirisë dhe shtetësisë së Kosovës është aleanca e përhershme me SHBA-të.

“Rrjedhimisht, në këtë kontekst, ka përsëritur qëndrimin se partneriteti me Amerikën është ekzistencial, i pacenueshëm dhe i pazëvendësueshëm. Presidentja po ashtu pati mundësinë ta njoftojë Presidentin Biden për zhvillimet e fundit dhe sfidat me të cilat po ballafaqohet Kosova”, thuhet në komunikatën për media.

Pas këtij bashkëbisedimi, Osmani ka theksuar se ka marrë garanca të fuqishme nga Biden për mbështetjen e vazhdueshme amerikane ndaj Kosovës.

“Presidentja Osmani ka falënderuar Presidentin Biden për ndihmën, të cilën në vazhdimësi e japin SHBA-të për Kosovën në rrugën e saj drejt stabilitetit dhe zhvillimit”, bëhet e ditur tutje në njoftim.

Related posts

Izrael, protesta kundër ndryshimeve që mund të dobësojnë sistemin gjyqësor

rezart morina

Rivali i tij i vetëm dha dorëheqjen, Mark Rutte emërohet shef i ri i NATO-s

admin

Deputetja Musliu-Shoshi: Ende nuk i kemi votat e mjaftueshme, por kemi kohë të negociojmë me LDK-në dhe AAK-në

RTI