Presidenti i Egjiptit, Abdel Fattah al-Sisi u takua me presidentin e Emirateve të Bashkuara Arabe (EBA), Sheikh Mohamed bin Zayed Al-Nahyan i cili ka vizituar vendin e tij në kuadër të takimeve zyrtare, transmeton Anadolu.
Në një deklaratë nga Presidenca egjiptiane thuhet se dy liderët u takuan në qytetin El-Alamein dhe diskutuan për çështjet rajonale dhe ndërkombëtare.
Në takim u diskutuan edhe rrugët për vazhdimin e punimeve për forcimin e mekanizmave të përbashkëta të bashkëpunimit. Liderët ranë dakord për rritjen e punimeve të përbashkëta arabe në luftën kundër vështirësive që rriten në rajon dhe në botë.
Ndërkohë nuk është dhënë informacion se kur ka filluar dhe sa ditë do të zgjasë vizita e presidentit të EBA-së në Egjipt.
